اتراکھنڈ میں ماحول دوست سیاحت کو رفتار ملے گی: وزیر اعلیٰ دھامی

-دہرادون، وزیر اعلیٰ پشکر سنگھ دھامی نے لندن میں گلوبل انویسٹرس سمٹ کے لیے منعقدہ میٹنگ میں شرکت کی۔ اس دوران چیف منسٹر دھامی نے لندن کے کئی سرکردہ صنعتی گھرانوں سے ملاقات کی اور اتراکھنڈ میں سرمایہ کاری کے امکانات پر تفصیل سے تبادلہ خیال کیا۔ وزیر اعلیٰ دھامی کی موجودگی میں لندن میں پوما گروپ کے ساتھ 2 ہزار کروڑ روپے کے ایک سرمایہ کار ایم او یو پر دستخط کیے گئے۔ریاستی حکومت کی جانب سے سکریٹری صنعت ونے شنکر پانڈے نے ایم او یو پر دستخط کیے۔ چیف منسٹر دھامی نے تمام سرمایہ کاروں کو آنے والے دسمبر کے مہینے میں منعقد ہونے والی گلوبل انوسٹر سمٹ کے لئے اتراکھنڈ آنے کی دعوت بھی دی۔ چیف منسٹر دھامی نے کہا کہ ریاست کے جغرافیائی حالات کو دیکھتے ہوئے اتراکھنڈ میں ماحول دوست سیاحت کے میدان میں سرمایہ کاری کے بے پناہ امکانات ہیں۔ پوما گروپ دنیا بھر میں روپ وے کی تیاری میں ایک رہنما ہے۔ پوما گروپ کو اتراکھنڈ میں کام کرنے کا طویل تجربہ ہے۔پوما گروپ نے چمیلی ضلع کے اولی روپ وے میں تکنیکی مدد فراہم کی ہے۔اس کے علاوہ موجودہ پوما روپ وے دہرادون-مسوری روپ وے اور یمونوتری روپ وے پروجیکٹوں میں بھی تکنیکی مدد فراہم کر رہا ہے۔ چیف منسٹر دھامی نے کہا کہ پوما گروپ نے ہریدوار سمیت دیگر کئی مذہبی اور سیاحتی مقامات پر روپ وے اور سنٹر آف ایکسی لینس کے لئے تکنیکی تعاون میں سرمایہ کاری کرنے کی خواہش ظاہر کی ہے۔